ხელფასის კალკულატორი Excel-ში: საშემოსავლო, საპენსიო და დეკლარაციის თანხის გამოთვლა

მაგალითი: 1 000 ლარი

თუ 1 000 ლარი დაგირიცხეს, 20 ლარი საპენსიოში წავა, 196 ლარი საშემოსავლოდ, ხელზე კი 784 ლარს აიღებ.

თუ საპენსიო სქემაში არ ხარ, ხელზე 800 ლარი დაგრჩება.

პირიქით: ვიცი, ხელზე რამდენი მინდა

ხშირად პირიქით ხდება: შეთანხმდით, რომ თანამშრომელი ხელზე კონკრეტულ თანხას აიღებს. რამდენი უნდა დაერიცხოს? ამას ხელით ცოტა რთული დასათვლელია, ამიტომ კალკულატორში უბრალოდ აირჩიე „ხელზე ასაღებიდან“ და ჩაწერე თანხა. მაგალითად, ხელზე 784 ლარისთვის დარიცხული უნდა იყოს 1 000 ლარი.

როგორ გამოვიყენოთ კალკულატორი

1. ჩამოტვირთე ფაილი და გახსენი Excel-ში.
2. აირჩიე, რისგან ითვლი: დარიცხული ხელფასიდან თუ ხელზე ასაღებიდან.
3. ჩაწერე თანხა.
4. მიუთითე, ხარ თუ არა საპენსიო სქემაში.

ესაა და ესაა. ქვემოთ მაშინვე გამოჩნდება, რამდენი წავა საპენსიოში, რამდენი გადასახადად და რამდენს აიღებ ხელზე.

შეავსე მხოლოდ მწვანე უჯრები. დანარჩენი დაკეტილია, ამიტომ ფორმულას შემთხვევით ვერ წაშლი.

რატომ გამოგადგება ხელფასის კალკულატორი

სამსახურის შეცვლისას ან ხელფასზე მოლაპარაკებისას ხშირად ერთ თანხაზე ვსაუბრობთ, ხელზე კი სხვა გვრჩება. ხელფასის კალკულატორი ამ გაუგებრობას გამორიცხავს: წინასწარ ხედავ, რამდენი დაგრჩება რეალურად და რა წავა გადასახადსა და საპენსიოში.
კალკულატორი მათთვისაც გამოსადეგია, ვინც პირველად იწყებს მუშაობას და ჯერ არ იცის, როგორ ითვლება ხელფასი. ცხრილში ყველა ნაბიჯი ჩანს, ამიტომ მარტივად გაიგებ, საიდან მოდის თითოეული თანხა.
თუ ხელზე კონკრეტული თანხა გინდა, კალკულატორი გეტყვის, რამდენი უნდა მოითხოვო ხელშეკრულებაში. ასე მოლაპარაკებაზე ზუსტი ციფრით მიხვალ და მოგვიანებით უსიამოვნო სიურპრიზი არ გელოდება.
ფაილი Excel-ში იხსნება, დამატებით პროგრამას არ საჭიროებს და ინტერნეტის გარეშეც მუშაობს.

დამსაქმებლებისთვის

თუ ფირმა გაქვს, კალკულატორი იმასაც გაჩვენებს, რა დაგიჯდება თანამშრომელი სულ და რამდენი უნდა გადაიხადო ბიუჯეტში. ერთ შიტზე რამდენიმე თანამშრომლის ხელფასის ერთად დათვლაც შეგიძლია.

ხშირად დასმული კითხვები

რამდენია საშემოსავლო გადასახადი?

20%, საპენსიოს გამოკლების შემდეგ დარჩენილი თანხიდან.

საპენსიო ხელფასიდან მეკლება?

დიახ, 2%. მაგრამ ეს თანხა არ იკარგება: შენს საპენსიო ანგარიშზე გროვდება, ფირმა და სახელმწიფო კი ზედ ამატებენ.

რა ხდება, თუ საპენსიო სქემაში არ ვარ?

მხოლოდ საშემოსავლო გეკლება და ხელზე მეტი გრჩება. კალკულატორში აირჩიე „არა“.

ჩამოტვირთე კალკულატორი

ჩაწერე თანხა და ერთ წამში გაიგებ, რამდენს აიღებ ხელზე.

ჩვენი გუნდი მზად არის, გაგიწიოთ კვალიფიციური დახმარება ყველა ამ პროცესში. ჩვენი მიზანია, თითოეულ კლიენტს მივუდგეთ ინდივიდუალურად და შევთავაზოთ მათზე მორგებული გადაწყვეტილებები.